فرح
الحلقه 1
في السادسة صباحا داخل احدى الغرف ذات الديكور الانثوي الرقيق تنام فتاة ذات
وجه ملائكي و شعر كستنائي متناثر حولها .........
سهير (الام) : فرح يا فرح قومي يا حبيبتي هتتاخري على شغلك
فرح : انا صحيت اهه يا ماما هي الساعه كام ؟؟
سهير : الساعة 6 بالظبط
فرح : ياااااه انا كنت ظابطاه على 5 انا كده مش هلحق وهيتاخد
عني فكره
وحشه من اول يوم
سهير : ان شاء الله هتلحقي
بدات فرح بالاستعداد ووضعت القليل من مستحضرات التجميل
مع عطرها الخاص لتكون كالاميره بالزي الرسمي للعمل ........
فرح : انا نازله يا ماما مش عايزه حاجه
سهير : ربنا معاكي يا بنتي ويجعلك في كل خطوه سلامه
فرح : لا اله الا الله
سهير : محمد رسول الله
نبذه صغيره عن فرح (فرح خريجة كلية تجاره وتم قبولها في شركة من
مجموعة شركات كبيرة لرجل الاعمال عزمي الدسوقي من عائلة
متوسطة الحال الاب موظف في احدى المؤسسات الحكوميه
والام ربة منزل وهي وحيدة والديها )
فرح : صباح الخير
السكرتيره : صباح النور مستر عزمي مستنيكي جوه
فرح : متشكره اوي
كانت فرح متوتره بشكل كبير طرقت باب المكتب .................
عزمي بيه : ادخل
فرح : صباح الخير يا فندم
بدأت اعين فرح بالتجول في المكتب ذو الطراز الحديث الفخم الذي
يعطي انطباعا لذوق واناقة من يمتلكة ......
عزمي بيه : صباح النور اقعدي يا فرح
فرح : شكرا
عزمي بيه : انا متفائل بيكي جدا وحاسس انك مجتهده لان الملف بتاعك بيدل انك
كنتي متميزه في دراستك وان شاء الله هيتم اثباته في عملك
فرح : كلامك ده شرف ليا وان شاء الله مش هخيب ظن حضرتك
عزمي بيه : الكارنيه بتاعك والحاجات الي هتستلميها هتلاقيها مع سلوى
(السكرتيره) وتقدري تستلمي شغلك من النهارده
فرح : شكرا يا فندم عن ازنك
انتهى سبب من اسباب توتر فرح اتجهت لمكتب السكرتيره سلوى وقامت
بتسليمها اغراضها واخبرتها عن مكان مكتبها
بدات فرح بتنظيم اغراضها و السعاده تتغلغل في داخلها ........
فرح (لنفسها) : يااااه يا فرح اخيرا اتخرجتي واستلمتي شغلك وهتحققي حلمك
انك تشيلي بعض من الهموم عن والدك
وتقدري تكوني مسئوله عن نفسك وتعملي لنفسك مكانه خاصه بيكي
ميرنا : صبااااااح الخير
فرح (باستغراب ) : صباح النور
ميرنا : ههههههههه مالك مخضوضه كده ليه انا ميرنا زميلتك هنا في قسم
المحاسبين
فرح : اهلا بيكي انا فرح لسه اول ساعه ليا في الشركه انا اسفه بس انا
اعصابي بايظة خالص
ميرنا : ههههههه اهلا بيكي لا مفيش داعي كلنا كنا كدا واكتشفنا ان مفيش
حاجه تستحق انتي حبي شغلك بس والتزمي
بالوقت وانتي هتلاقي حوافز وجو جميل اوي واحنا كلنا زملاء ومحدش بيتاخر
عن التاني في حاجه
فرح : ان شاء الله ربنا يسهل
ميرنا : اسيبك ترتبي اوراقك انا مكتبي هناك اهه لو احتاجتي اي مساعده
فرح : ماشي .... سعدت بمعرفتك
ميرنا : انا اسعد
بدات فرح بقراءة الاوراق التي كلفتها بها سلوى نيابة عن الدكتور انور
( المدير المالي ) ....
عمار : ميرنا يا ميرنا
ميرنا : عااايز ايه ؟؟
عمار : مين دي ؟
ميرنا : دي محاسبه جديده معانا بس دي ملهاش في الاتجاهات ها دي شكلها كده
جد
عمار : ماشي ياختي خليكي في شغلك منك لله دايما فصلاني
ميرنا : لا والله طب فكر تنطق معايا كلمه علشان متتفصلش نهائي
بينما كانت تقرا فرح الاوراق بتمعن .............
عم عبده (الفراش) : اتفضلي يا بنتي
فرح : متشكره اوي
عم عبده : الظاهر انك جديده هنا
فرح : ايوه انا فرح محاسبه جديده هنا
عم عبده : منوره يا بنتي لو عوزتي اي حاجه انا تحت امرك
فرح : شكرا يا عم عبده ( عرفت اسمه من البادج )
ميرنا : ماااالك شكلك محتاسه
فرح : اها فعلا
ميرنا : لو احتاجتي اي مساعده احنا موجودين وممكن تستشيري دكتور انور
المدير المالي بتاعنا
فرح : اها بس انا مش متجراه اكلم حد اصلا
ميرنا : لا لا متقلقيش خصوصا ان دكتور انور بيعاملنا زي اولاده بالظبط هتحبيه
اوي
فرح : ماشي هجرب وربنا يستر عن ازنك.
ميرنا : اتفضلي ......طب الشاي بتاعك هيبرد
فرح : هعمله ايه
ميرنا : خديه معاكي عادي
فرح : لا لا ميصحش
ذهبت الى المكتب وبعد ان سمح لها بالدخول .....
فرح : انا اسفه شكلي جيت وحضرتك مشغول
دكتور انور : لا خالص انتي فرح المحاسبه الجديده الي سلوى قالتلي عليها
فرح : ايوه يا فندم انا كان عندي استفسار في بعض الحاجات كده فالزملاء قالوا
اني اقدر استشيرك
دكتور انور : طبعا ده حقك اتفضلي
فرح : انا ممكن انتظر بعد ما حضرتك تخلص
يوسف : لا خدوا راحتكم انا همشي هنبأ نكمل كلامنا يا دكتور بعدين
دكتور انور : ماشي يا يوسف هشوفك في قاعة الاجتماعات
يوسف : تمام
وبعد ان استفسرت فرح وسالت بعض الاسئلة لمساعدتها في العمل شعرت
بالسعاده لتقبله اسئلتها بصدر رحب والاجابة عليها بالتفاصيل ....
فرح : متشكره اوي يا دكتور تعبتك معايا
دكتور انور : على ايه اي حاجه تقف قدامك ابقي اسالي وهتلاقيني موجود
فرح : شكرا عن ازنك
كانت فرح في طريقها للمكتب و .........
يوسف : يا انسه يا انسه
فرح : نعم !!
يوسف : الملف ده وقع منك
فرح : متشكره اوي
يوسف :شكلك متوتر ملوش لزوم على فكره الجو هنا هيعجبك اوي وهتاخدي
على الناس الطيبين الي هنا
فرح : ان شاء الله عن ازنك
عادت فرح الى مكتبها ومازال يوسف واقفاً في مكانه يحاول تذكرملامحها التي
قامت بلفت انتباهه .....
سلوى : استاذ يوسف
يوسف : نعم
سلوى : عزمي بيه عايزك في مكتبه
يوسف : انا رايحله حالا .. هي مين دي
سلوى : دي فرح المحاسبه الجديده يا فندم
يوسف : طيب اتفضلي انتي
______________________
ميرنا :فرح يا فرح هو كان عايز منك ايه
فرح : مين ده ؟؟
ميرنا : يوسف يا بنتي الي كنتي لسه بتردي عليه
فرح : وقعت الملف من ايدي كان بيديهولي
ميرنا : عثل اوي يخربيت كده
فرح : هو مييين ده ؟؟
ميرنا : يا بنتي يوسف دا ابن عزمي بيه
فرح : اممممم علشاان كده
ميرنا : كده ايه ؟
فرح : ولا حاجه النهارده ورايا نص دوام بما ان ده اول يوم يعني انتهى دوامي
للنهارده
ميرنا : يا بختك انا نفسي اروح استريح لو نص ساعه
فرح : هههههههههه معلش كله بأجره استاذنك انا بقا
ميرنا : يارب .. اتفضلي اشوفك بكره
عادت فرح الى المنزل وكانت السعاده تغمرها ولكنها شعرت بالتعب لان
هذه التجربة الاولى لها ....
عني فكره
مع عطرها الخاص لتكون كالاميره بالزي الرسمي للعمل ........
مجموعة شركات كبيرة لرجل الاعمال عزمي الدسوقي من عائلة
متوسطة الحال الاب موظف في احدى المؤسسات الحكوميه
والام ربة منزل وهي وحيدة والديها )
يعطي انطباعا لذوق واناقة من يمتلكة ......
انتهى سبب من اسباب توتر فرح اتجهت لمكتب السكرتيره سلوى وقامت
عن التاني في حاجه
عادت فرح الى المنزل وكانت السعاده تغمرها ولكنها شعرت بالتعب لان
هذه التجربة الاولى لها ....
ليست هناك تعليقات:
إرسال تعليق