الحلقة 7

يوسف : شكلي كده حبيتك ولا ايه اركبي يا فرح
فرح : ممكن لو سمحت تسيب ايدي
يوسف : لا 
فرح (بانفعال) : يووسف سيب ايدي احنا في الشارع وانت ملكش اي حق تمسك ايدي كده لازم تعرف انك ابن صاحب الشركه والمدير بتاعي وبس وملكش حق توصلني وبعدين احنا معندناش الكلام ده ان شاب غريب يوصل بنت عن ازنك
افلت يوسف يدها من صدمته من انفعالها المفاجئ واكتشافاته الجديده في شخصيتها ......قامت فرح باستقلال احدى سيارات الاجره و ....
الام : ايه ده مالك يا فرح يا ساتر يارب
فرح : مفيش يا ماما محتاجه اناملي شويه
الام : مفيش ايه دانتي وشك مقلوب وكانك طالعه من خناقه
فرح : مفيش يا ماما عن ازنك
ركضت فرح الى غرفتها وبدات بالبكاء ........
فرح : انا مبقتش فاهمه حاجه وبعدين ازاي يمسك ايدي كده منكرش اني بحب جرأته دي بس ...يووووووه اصلا معنديش كلام اقوله لنفسي النوم احسن
وفي فيلا عزمي بيه .....
سعاد : احضرلك الغدا يا يوسف بيه
يوسف : لا مش دلوقتي يا سعاد
سعاد : بس
يوسف (بانفعال) : خلااص يا سعاد قلت مش دلوقتي
صعد يوسف الدرج وذهب الى غرفته ....
يوسف : ينفع كده اتعصب على واحده قد والدتي اووووف
ثم طرق احدهم الباب........
يوسف : اددخل
ميرال هانم : صوتك عالي ليه
يوسف : ماما !! معلش يا ماما مخنوق شويه
ميرال هانم : ودا يخليك تنفعل على سعاد كده غريبه انها تيجي منك
يوسف : يا ماما انا جاي على اخري من الشغل وغيره
ميرال هانم : ماشي يا يوسف هسيبك تنام علشان عندنا عزومه النهارده بالليل
يوسف : لا اعفيني انا يا ماما انا فعلا مش قادر
ميرال هانم : يعني مش كفايه باباك مش هيروح وبعدين خالتك هتزعل
يوسف : يااا امي انا مليش في الجو ده خاالص انا هوصلك وهسلم وهمشي
ميرال هانم (بانفعال) : هي كلمه يا يوسف ولا فاكر نفسك كبرت عليا
يوسف (باستسلام) : عيوني ليكي يا ماما زي ما تحبي ممكن اناملي شويه بقا
ميرال هانم ؛ ماشي
وبعد ان غادرت الغرفه رن هاتفه المحمول ....
يوسف : ايوه يا مراد
مراد : من الصبح بحاول اتصل بيك !!
يوسف : النهارده كان هم ما يتلم بابا شايل حمل كبير اوووي وانا مش قده غير بقا المشاكل الخارجيه
مراد : ربنا يقومهولكم بالسلامه انت ادها واكتر ومحل ثقه مش ناوي تروح حته النهارده
يوسف : انا مكنتش ناوي بس ماما دبستني في عزومه
مراد : هههههههههههه اوعى تقولي خالتك
يوسف : الله ينوور عليك
مراد : وطبعا يوسف ولد مطيع مبيرضاش يقول للست الوالده لا
يوسف : تخيل اني حاولت بس مقدرتش انا مش متخيل هستحمل القعده ازاي مليش انا في التجمعات دي ربنا يصبرني
مراد : هههههههههههههه مانا عارفك محدش بيقدر عليك غير ميرال هانم
يوسف : طب اسكت وبطل استفزاز انا على اخري اصلا
مراد : خير حصل حاجه غير الشغل
يوسف (متنفسا الصعداء) : ايوه
مراد : يبا لازم تحكيلي اما اشوفك اطير انا باه علشان شكلك هتخلص عليا علشان النوم
يوسف : ههههههههههه يبقا كتر خيرك يلا سلام
وفي المساء ......
الام : مالك انتي منمتيش ولا ايه
فرح : دانا كنت بتخانق مع النوم وللاسف معرفش يكسبني
الام : معلش يلا يلا اعمليلك كوباية نسكافيه تفوقك وبعدين ننزل نتسوق
فرح : يا فتاااح يا عليييم حااضر يا ماما استعنا ع الشقا بالله
منير (الوالد) : هي فرح مالها
الام : هههههههههههههه علشان طلبت منها تنزل تتسوق معايا
منير : هي مبتزهقش من القاعده والشغل
فرح (من المطبخ) : ارررحم من التسوق ده
منير : هههههههههه ملكيش حل طيب خلاص روحي عند عمتك
فرح (راكضه) : في ثانيه اكون لبست
الام : بقا كده اشمعنا دي يعني
فرح : لاااا تختلف عمتو يعني ايمن يعني رخامه يعني شوية فرفشه يا ماما .... ايه ده بس هتروحي لوحدك !
الام : لا هاخد شيماء معايا
فرح : زين ما اخترتي يا ماما هي بتحب الجو ده ادخل البس انا بقا
منير : طب والنسكافيه
فرح : هشربه وانا نازله يا بابا
_______________________
طارق : ايه الاخبار
مسعد : مفيش جديد يا طارق بيه من يوم ما رجع الفيلا اما ابنه فهو الي مسك الشغل وفي بنت شفتها معاه اكتر من مره والظاهر انها موظفه في الشركه
طارق : كل ده مش مهم انا اهم حاجه اعرف اخر تحركات عمي عايزك تفتح عينك كويس
مسعد : اوامرك يا طارق بيه
طارق : يلا روح كمل شغلك
وفي فيلا عزمي بيه ....
عزمي بيه : يا حبيبي اتطمن انا مش محتاج حاجه ويلا علشان متتاخرش
يوسف : لا لا انا متاكد ان حضرتك مش عايزني انزل وانا تحت امرك
عزمي بيه : هههههههههههههه يلا يا يوسف علشان متتاخرش ومتاخرش والدتك
يوسف : يااارب صبرني يا بابا طب امسك فيا شويه
عزمي بيه : انت رايح تطعم يلا يا ولد
يوسف : استعنا ع الشقا بالله
___________________
ميرال هانم : شهيره ازيك
شهيره هانم (خالة يوسف) : تمام يا حبيبتي وانتي اخبارك ايه
ميرال هانم : بخير طول مانتي بخير
شهيره هانم : الحمد لله ...... يوسف ازيك
يوسف : الحمد لله يا شهيره هانم
شهيره هانم : قلتلك خالتو مش صعبه والله ... طب يلا على السفره علشان نلحق ناكله ساخن
وعلى طاولة طعام فاخره في احدى الفلل الفخمه ....
شاهندا : هاي
شهيره هانم : هاي يا حبيبتي تعالي سلمي على يوسف وخالتو
شاهندا : خالتو وحشتيييني
ميرال هانم : وانتي اكتر يا حبيبتي
شاهندا (بدلع) : يوووسف ايه الشياكه دي منور الفيلا
يوسف : دا من زوقك يا شهندا اخبارك
شاهندا : im fine على فكره ميرسي احلى
يوسف : انا مبحبش الدلع ده علشان اتكلم بيه
ميرال هانم (مقاطعه) : احم يلا يا شهندا اقعدي يا حبيبتي
وبينما كانوا يتناولون العشاء
شهيره هانم : واخبار عزمي بيه والشغل ايه يا يوسف
يوسف : الحمد لله احسن والشغل عزمي بيه مش مخليه محتاجني انا مجرد مراقب على شغل الموظفين
شاهندا : يوسف اصلا business man شاطر
ميرال هانم : طبعا مش ابن ميرال هانم وعزمي بيه
يوسف : احم انا شبعت الحمد لله
شهيره هانم : هو انت كده اكلت يا يوسف
يوسف : الحمد لله
شهيره هانم : طب وريه طريق الحمام يا شاهندا
يوسف : لا مفيش داعي انا عارف المكان
يوسف (لنفسه) : يااارب صبرني علشان منفجرش في حد
وبعد ان انتهوا من تناول الطعام .....
يوسف : انا خارج أقف في الجنينه شويه عن ازنكم
وبعدما اختفى يوسف عن الانظار ....
شهيره هانم : روحي شوفيه ماله
شاهندا : اوكي
نبذه عن شاهندا ( بنت دلوعه اوي وبتحب يويف بس هو عامل ولا كانه شايفها خريجه تجاره انجلش عندها 23 سنه )
وفي منزل عمة فرح ....
فرح : عمتووو حبيبتي مكشره ليه
ميسون : مش عارفه ايمن اتاخر ليه
فرح : زمانه جاي يا عمتووو يا عثل انتي
ميسون : هههههههه يا بكاشه ايه ده دي خطوات ايمن
فرح : يا سلام عليكي حافظه الخطوات طب انا لازم اخضه
قامت الفرح بالوقوف خلف الباب وقامت باطفاء الضوء .....
ايمن : ايه الضلمه دي هما ناموا ولا ايه
فرح (بصوت عالي ) : لييييييييييه
قام ايمن بامساك فرح من يدها
ايمن : طب دي اعمل فيها ايه يا ماما دلوقتي
ميسون : هههههههههههههههههههه عيال
فرح (بوجه طفولي) : والله مانا يا بيه انا كنت بأهزر والحاجه هي الي شجعتني
ايمن : هههههههههههههههه طالما فيها الحاجه يبا براءه هي حره
فرح : الله يسهلوووووووو
الجميع : هههههههههههههههههه
ايمن : كويس انك جيتي كنت عايز اوريكي اخر التنزيلات الي عملتها على جهازي
فرح : الى الاماااام سر
________________
شاهندا : مالك يا جو
يوسف : اسمي يووسف حتى شكلها احلى
شاهندا : ايه الرخامه دي ابن خالتي وانا من حقي ادلعه
يوسف : بصي يا شاهندا انا مخنوووق ومش طايق حد فعرفي ماما اني همشي وهبعتلها السواق
شاهندا : بس انت ملحقتش تقعد
يوسف (مبتعدا ) : مش لازم
ميرال هانم : حصل ايه
شاهندا : مشي
ميرال هانم : اما مبقتش فاهماه خالص وبقاله فتره متغير
شهيره هانم : لازم يتجوز يمكن يتغير والعروسه موجوده (مشيره لشهندا)
ميرال هانم : يارييت هو انا بعرف اكلمه حتى وبعدين هو انا هلاقي زي شاهي فين
شاهندا : ميرسي يا طنط
_________________
فرح : والله انت فايق ورايق ركز في الدراسه الي انت بتعملها هتجبلي شلل نصفي
ايمن : حد قالك انك رخمه وبتجيبي الاحباط دايما
فرح : هههههههههههههههه الله بنتعلم فيك
ايمن : طب قومي من هنا يلا
فرح : هههههههه اصلا مِرَوَحه
ايمن : لسه بدري انتي اما بتصدقي
فرح : بدري من عمرك عندي شغل وانا في الفصلان
ايمن : هههههههههه طب استني هوصلك وهجيب حاجات من السوبرماركت
فرح : مش هقول لا
____________
وجد يوسف نفسه في طريقه الى منزل فرح ولا يعلم ما سبب ذهابه الى هناك ولكن العقل الباطن هو من يتحكم ...
فرح : طب انا مش هقف همشي تاته تاته لحد ما تشتري الي عايزه
ايمن : انتي عدوة الوقوف ماشي
وفجاه ....
فرح ( منفعله للمفاجاه ) : مش تحاسب ...... يوسف !!!
يوسف : فرح !! معلش مكنتش مركز
فرح : ياريت تخلي بالك وطالما تعبان مش لازم تسوق
يوسف : تمام ..... فرح انتي لسه زعلانه
فرح : حصل خير عن ازنك
يوسف : فرح استني
فرح : ميصحش الوقفه دي عن ازنك
ايمن : في حاجه يا فرح
فرح : لا مفيش يا ايمن يلا علشان متاخرش
ذهب كل منهم في طريقه ..... وقبل وصولهم الى الشقه ...
ايمن : ممكن افهم يوسف ده كان هنا ليه
فرح : ............